Почна Венецијанскиот карневал

07:35 | 08 февруари 2010

Со традиционалниот „Лет на ангелот“, во недела и официјално почна Венецијанскиот карневал

Како и секоја година, точно напладне од 99 метри високата камбанарија на плоштадот Свети Марко и годинава „полета“ млада девојка и потоа во облак од конфети слета на плоштадот претворен во ренесансна градина на чудата.
Годинава во улогата на ангел организаторите ја одбраа 22-годишната Бјанка Брандолини Д’адда, внука на сестрата на Џани Ањели, долгогодишниот претседател на автомобилскиот гигант Фиат.
Оваа година отворањето на Венецијанскиот карневал кој ќе трае до 16-ти февруари,  го следеле 75 илјади луѓе. Како што известуваат агенциите, повеќето туристи отколку жители на Венеција. Венецијанците инаку одамна предупредуваа дека заради кризата и лошата политика на локалните власти, се затвораат многу работни места и тие се принудени да се иселуваат барајќи егзистенција.