Влезниците за Евросонг распродадени за 20 минути

Автор: Ивана Настеска     17:10 | 08 февруари 2010

Влезниците за финалната вечер за Евросонг, што ќе се одржи во Норвешка денеска веднаш по пуштањето во продажба беа распродадени. Агенциите јавија дека за 20 минути се распродадени речиси 8000 билети

Евровизија 2010 ќе биде педесет и петтиот натпревар за најдобра европска песна. Евровизија оваа година се одржува во Осло по заслуга на минатогодишниот победник, Александар Рубак кој победи со песната „Fairytale“. Двете полуфиналиња неофицијално ќе се одржат на 25 мај и 27 мај, а финалето, на 29 мај 2010. Европската радиодифузија објави дека ќе се обиде оваа година да ги врати назад Италија, Монако и Австрија, но сепак тоа не се случи оваа година. На годинешниот  Евросонг ќе се натпреваруваат 39 земји вклучувајќи ја и Македонија.